Return of the God's Angel

Aur Woh Kehte Hain Ki...

2009-11-26T11:02:00.000-08:00

woh kehte hain ki hum un par jasoosi karte hain
woh kehte hain ki hum un par jasoosi karte hain

na to unki profile (fb) pe add hain hum
phir kaise woh hum pe ye ilzaam lagaate hain

na to unka number hi yaad hai humein
phir kaise woh hum ko itna sunaate hain

na to unke ghar ka rasta hi pata hai humein
phir kyun woh humein jasoos bulaate hain

woh kehte hain ki hum un par jasoosi karte hain
woh kehte hain ki hum un par jasoosi karte hain

pyar karte the bepanaah unse
bas marte the bepanaah unpe

saalon ke pyar ko nahin dekhte woh
bas ilzaam lagaaye jaate hain

saalon ke vishwas ko tod gaye woh
bas badnaam kiye jaate hain

saalon ke lagaav ko bhool gaye woh
bas is dil ka khoon kiye jaate hain

woh aate hai humein yaad bahut
tadpaate hai humein roz bahut

hum unki yaad mein roz jale jaate hain
zinda hain par har pal mare jaate hain

aur woh kehte hain ki hum un par jasoosi karte hain
aur woh kehte hain ki... ... ...

copyright © 2009 by Aryan Gusain

12 meel

2009-11-16T21:07:00.000-08:00

12 meel chala main.

bas akela chala main.

12 meel chala main.

na humsafar. na saathi.

bas main aur mere kadam.

akela. tanha. soch mein dooba hua.

chalta raha. chalta raha.

na kisi ko aage aate dekha.

na peeche mud dekhta main.

bas chala main.

yuhi akela chala main.

12 meel chala main.

mushqile dekhi. khushiyaan dekhi.

kaanto par pair rakhkar chala main.

sochta raha har kadam par.

aakhir kyon chal raha hoon main.

har lamha dekha. har manjar dekha.

har sapne ko jeeta chala main.

har roz zindagi se ladne chala main.

bas chala main.

12 meel chala main.

na ruka main. na rukunga kabhi.

khounga nahi parchaiyon ki bheed mein.

na kahunga kabhi ki thak gaya main.

bas chal raha hoon main.

bas chal raha hoon..

talaash hai humsafar ki.

shayad isiliye bhatak raha hoon main.

bas chal raha hoon main.

isliye shayad. roz. so na paata main.

kyunkii..

12 meel chalna hai mujhe.

phir ho gayi subah. jaag gaya hoon main.

bas.. apne..

12 meel chalne ke liye.

bas apne.. 12 meel chalne ke liye

copyright © 2009 by Aryan Gusain

Who Am I ?

2008-08-17T22:20:00.000-07:00

Last night I was searching for the social networking issues. I researched a lot about that but users are much more unpredictable than we think. That’s why my boss always told me to think ahead of your time.

I am working on a new social networking platform which help users in a more user friendly way. Ibibo is one of the few knowledge bases websites where you can share and gain knowledge. Ibibo is breaking the barriers. I love to ask questions. I love answering questions in various categories. Not for money and fame but I am getting more and more intelligent and now I can take part in any of the quiz shows.

I quit blogging because of some problems but now I am back. Lot of people asked me,”where r u? We are waiting for your new story and new poems.” I was busy, busy searching for new assignments for myself.

Few weeks ago I was not very much satisfied with my job but now its fine. I am getting good work from my seniors and I am pretty much happy with that.

I am doing more work, learning more, taking new responsibilities and always ready to help my friends. Personally I am very much of a reserved natured person but in the virtual world I have more than 25000 friends from all over the world. These are the two sides of my life.

In normal life I love residing alone & working alone. I am very much of a movie character. Always thinking and always searching for something. I don’t know what I am up to? Why I born? You can easily match my character to the “matrix” movie’s “neo Anderson”. I am just like that. No sleeping for nights. I born to do something different but what? It’s an illusion. I don’t know what I am going to do with my life.

I always speak very frankly with people. I am neither fake nor diplomatic. I always speak my mind. Why? I don’t know. I am asking you,” You are reading my blog.” Do you know why you born? What you want to do with your life?

Life is not like that as it seems. Sometimes one feel that “I love what I do” but why others making fool of that person? Why others don’t take his or her feeling seriously. Why the world is so rude? Why?

Life is not all about making money and breaking trust. Life is not all about flirting with someone. Life is not all about being rude and diplomatic all the time. Life is beautiful.

Personally I am not religious, I don’t visit temples. I am of a spiritual kind. I think there is a superpower. I am not agnostic though. Look, there is a thin line between religious and agnostic kind. The line is humanity. I believe in helping people but whenever I need any support of anything, where are the people? Why they don’t help me? Why?
Just think about it...

My Trip To Dehradoon

2008-07-10T02:28:00.000-07:00

last weekend i was on a trip do dehradoon. bada maza aaya trip mein. main thrusday raat ko 11 baje ghar se chala. first i went to kotdwar from delhi bus terminal and then dehradoon via haridwar route. mere saath ek funny incident hua. jab main kotdwar pahuncha tab wahaan se dehradoon jaane wali bus mein mere saath ek girl ne space share kiya. bas phir kya tha. 6 hours ka safar tha aur main vella. mujhe laga woh baat karegi but usne mujhe dekha bhi nahin. mujhe laga shayad subah ke 4 baj rahe hain isliye shayad use meri shakal dikhi na ho. lolz..

mazaak mazaak mein kankhal aa gaya (kankhal haridwar ka ek bahut hi badhiya sa place hai). phir maine baat shuru ki. bas baat karte karte safar katne wala tha. but jo hum sochte hain woh hamesha nahi hota. bas woh roorkee mein utar gayi. mera bad luck ki sirf 45 minutes hi mile baat karne ke liye.

roorkee crossing paar karte hi main phir se likhne lag gaya. soch raha tha ki uttranchal mein enter karte hi sach mein lagta hai ki main earth mein hoon. varna delhi mein rehke ho lagta hai jaise main mars mein travel kar raha hoon. thank god ki dehradoon mein born hua delhi mein nahin varna delhi waalon ki tarah main bhi alien lagta.

dehradoon mein balawala name se ek choti si city hai, main sabse pehle wahaan gaya. 2 hours dadaji ke paas ruka, phir thoda ghoomne nikal gaya. kaafi nice journey thi. main cows ke saath jungle bhi gaya. ghaas charwaane you see. hurr.. hurr... hmm.... i love that. it feels like a true indian.

ek cheez ka afsos rahega mujhe ki main poora dehradoon nahi ghoom paaya. mainly dehradoon city area and second things main alone travel karta hoon so zyada baat nahi ho paayi local logon se. 2 years baad to maine logon se pahaadi language mein baatein ki (as you know that i am a garhwali boy).

delhi aane ka mann hi nahi karta. woh kheto mein hari bhari ghaas ke upar so jaana. woh birds ka aawaaz karna. woh girls ka scooty pe travel karna (70% dehradoon girls' scooty se travel karti hain) and the most important thing bade bade mountain pe chadhna aur kahin thak jao to roadside paani pee lena. uttranchal mein paani bahut hai. jahaan dekho greenary, water aur temples hi dikhte hain. kaash delhi mein bhi itna greenary aur itna water hota. uttranchal mein pollution to bilkul bhi nahi hai. you can compare uttranchal to switzerland. bas uttranchal mein ye khaasiyat hai ki yahaan 80% cheeze natural hai aur 20% human made hai aur switzerland mein 70% things human made hai; as you know that switzerland is the world's richest country (swizz bank you see).

in next couple of months i have one more trip. a trip to corbett national park. mujhe tigers bahut pasand hain. bas dekhne chahta hoon ki 2 feet se kaise lagte hain. ek article bhi submit karna hai wild life ke upar. specially tigers ke upar. so tab tak alvida doston. asta la vista. chao.

Bhool Ja

2008-06-16T20:04:00.000-07:00

main jaanta hoon tum behad khoobsurat ho
magar kya karoon ki main tumhein paa nahin sakta

tumhari zulfon ki ghani chaon mein sone ko dil karta hai
tumhari jheel si aankhon mein doob jaane ko dil karta hai

tumhein paana to khwab jaisa hai
phir bhi ye khwab dekhne ki zurrat ki maine

tumhein paa nahin sakunga iska malaal nahin mujhe
par tumhara naam liye bina jeena pade ye gavaara nahin mujhe

jab tumhein dekha tha pehli baar
sach much paagal sa ho gaya tha main

bas tumhein paana chahta tha
bas tumhein dekhna chahta tha

tumhari aankhon ko dekhna chahta tha
tumhare haathon ko choona chahta tha

par phir ye bhi socha maine..

ki tum to rajkumari ho
mujh banjaare se kya pyaar karogi

sone ki thaali mein khaati ho mere saath kha sakogi
rehti ho tum mehlo mein meri kutiya mein reh sakogi

main ye bhi jaanta hoon
ki pyaar mein sharte nahin hoti

magar kya karoon..
ye dil nahin maanta

bahut thokar khaayi hai is dil ne
samajh nahin paayega mere pyaar ko

kehta hai mujhe dil ki pyaar kuch nahin hota
bhool ja is pyaar ko...
bhool ja is pyar ko..
bhool ja

Main Tumhara Hoon

2008-06-02T20:35:00.000-07:00

jis lamha tumse mila main
mujhe pata tha tum meri ho
tumne mere haathon ko chua
aur mujhe laga ki ab waqt hamara hai

main ye ehsaas khona nahin chahta
main ek lamha zuda nahin rehna chahta

kyonki tumne hi mujhe jeena sikhaaya
jo ab tak koi kar naa paaya
isliye main tumhare saath hoon
aur isliye main tumse pyar karta hoon

har din jab bhi main tumhare saath hota hoon
mujhe pata hai tumhein achcha lagta hai
main bas tumhare aur paas aana chahta hoon
har din, har raat tumhari zulfon mein khona chahta hoon

kyonki tumne hi mujhe jeena sikhaaya
jo ab tak koi kar naa paaya
isliye main tumhare saath hoon
aur isliye main tumse pyar karta hoon

tum jaanti ho hum saath hain
bas main hoon aur tum ho
tum jaanti ho hum paas hain
haathon mein haath aur hothon pe baat hai

kareeb aao mere, mehsoos karo saanse meri
nigaah milao mujhse, suno dhadkan meri

main tumhara hoon.. bas tumhara
bhar lo mujhe apni baahon mein

Main Tumhara hoon
Main Tumhara Hoon

Meri Aankhon Se Dekho Zara

2008-05-30T02:12:00.001-07:00

hamesha main tumhare dil ka
hissa banna chahta tha

bas tumhare saath rehna chahta tha

kabhi na tumse door jaana chahta tha

koi jahaan mein tumse kisi ko
tol nahi sakta

chand khoobsurat hai magar
magar tumhare husn ke aage
kuch bhi nahi.

tum bepanaah khoobsurat ho

aur khoobsurat ho tum
hamare pyar ki tarah
sach mein..

mere paas bahut kuch hai
itna pyar paaya hai tumse

jiski mujhe hasrat thi
pyar kabhi socha nahi maine

main tumse itna pyar karta hoon
jiska tumhein andaaza nahi hai

tum kya ho mere liye
is baat ka tumhein takaaza nahi hai

main vaada karta hoon tumse
ki sab kuch tumhe doonga

tumhare liye sab kuch karunga
jab tak main zinda rahunga

tumhari aankhon mein
main apna aaj dekhta hoon

dekhta hoon kal, beeta hua bhi
bas jab tum mujhe dekhti ho

ruk sa jaata hoon kabhi
sochta jaata hoon kabhi

ki.. ek din aayega
jab tumhein pata chalega

ki tum kya ho mere liye

ki tum kya ho mere liye

meri aankhon se dekho zara

aao..

meri aankhon se dekho zara

Pyar Karna Chahta Hoon

2008-05-26T20:50:00.000-07:00

duniya mein bahut se log dekhe
kuch achche dekhe to kuch bure dekhe

sabki gehraiyaan to nahi maap paaya
par khud ko sab mein bahut tanha paaya

tanha hoon kyonki..
tanha rehna achcha lagta hai

karta hoon pyar main sabse

phir bhi har koi..
kyon mujhe begaana lagta hai

karta hoon main baat sabhi se

phir bhi har koi..
kyon mujhe gumsum sa lagta hai

bahut socha, bahut likha
haasil kuch na hua itna karke

zindagi to kabhi nahi aayi
maut aayi aahista karke

kyon sochta hoon
kyon likhta hoon

apni dhun pe chalta jaata hoon
sabke dukh baantna chahta hoon

kisi se kuch paane ki ichcha nahi
par sabko kuch dena chahta hoon

main kisi ka to nahi hoon
par main kisi ka banna chahta hoon

bas pyar karna chahta hoon...
bas pyar karna chahta hoon..

bas..
pyar karna chahta hoon...

Ehsaas

2008-05-25T20:25:00.000-07:00

pyar sabse pyaara ehsaas hai
pyar sabse badi pyaas hai

pyar ek khel ki tarah hai

pyar woh hai jo main
tumhare liye mehsoos karta hoon

har din har pal

pyar ek hasi hai
pyar ek geet hai
pyar ek lagaav hai

do dilo ke beech

jo humein baandhe rakhta hai

main tumhein tahe dil se
pyar karta hoon

meri aatma aur mera mann

mujhe achcha lagta hai
main tumhein jis tarah
pyar karta hoon

bas mera khud par kaabu nahi hai
dil mera mere bas mein nahi hai

bas jab tumhari aankhen
meri aankhon se takraati hai

kya bataun tumhein

bas.. main tumhein bahut pyar karta hoon

aur maine apni poori zindagi
tumhare naam kar di hai

pyar ek ehsaas hai

aur ye hamesha mere saath rahega

ye hamesha mere paas rahega..

Dil Tujhe Chahta Hai

2008-05-20T21:23:00.000-07:00

Dil tujhe chahta hai…
Tujhe hi pyar karta hai.
Hardum harpal…
Tera hi intezaar karta hai.

Tere hi sapne dekhta hai…
Tujhpar hi bharosa karta hai.
Tu dil hai tu hi jaan meri…
Tere hi liye jeeta hai.

Na jaane kab milogi tum…
Mujhe kabse intezaar hai.
Maine to keh diya Tumhein…
Tum bhi kaho naa pyar hai.

Shayad intezaar hi hai…
Mere naseeb mein.
Shayad na mil paayenge hum…
Is janam mein.

Shayad………
Tum ho hi nahin
Meri kismat mein
Shayad………

copyright @ aryangusain

Likha Na Maine Khat Kabhi

2008-05-19T20:20:00.001-07:00

Likha na Maine khat kabhi,
Na pyar ka izhaar kiya…
Bas dil hi dil mein tumko,
Maine ab tak pyar kiya…

Pyar ka ehsaas bhi tha,
Dil mein mere pyaas bhi thi…
Tumhein paana mera khwab tha,
Tum hi to mera armaan thi…

Kaise bataun tumko apni ye pareshaaniyan,
Kaise sunaun tumko pyar ki ye kahaaniyan…
Dilse aawaaz aati thi to daba leta tha,
Marna to chaha magar, tere kaaran jee leta tha…

Gam mitaana ke liye karta bhi kya,
Tere bina main ab jeeta bhi kya…
Sharaab ke alaava aur peeta bhi kya,
Tere bina ab jeeta bhi kya…

Likha na Maine khat kabhi,
Na pyar ka izhaar kiya…
Bas dil hi dil mein tumko,
Maine ab tak pyar kiya…

copyright @ aryangusain

Tere Bina Dil Lagta Nahin

2008-05-18T20:18:00.000-07:00

Tere bina dil lagta nahin…
Tere bina raat katti nahin.
Kya karu ki Teri tasveer…
Aankhon se hatti nahin.

Dekha nahin kabhi Tumhein…
Pata nahin kaisi ho tum.
Lekin yakeen se keh sakta hoon…
Ki pari si hogi tum.

Na jaane tumse kab mulaqaat hogi…
Kab woh saawan ki barsaat hogi.
Tumse milne ko dil karta hai,
Kya karu dil hai dil…
Isliye tumhara intezaar karta hai.

Dil ko maine laakh samjhaaya…
Lekin who samajh na paaya.
Tumse milne ko dil kiya…
Par milne aa na paaya.

Tere bina dil lagta nahin…
Tere bina raat katti nahin.
Kya karu ki teri tasveer…
Aankhon se hatti nahin.

Kya karu ki teri tasveer…
Aankhon se hatti nahin.

Kya karu……..

copyright @ aryangusain

Hum Tujhe Karte Rahenge Pyaar

2008-05-15T21:40:00.000-07:00

Hum tujhe karte rahenge pyar…
Hamesha, hamesha, hamesha.
Tujhpe hi marte rahenge yaar…
Hamesha, hamesha, hamesha.

Tumse jo vaade kiye the…
Humne jo sapne bune the.
Unhe karenge poora…
Ek din, ek din, ek din.
Tere dil mein rahenge yaar…
Hamesha, hamesha, hamesha.
Hum tujhe karte rahenge pyar…
Hamesha, hamesha, hamesha.

Aajkal main gumsum sa hoon…
Aajkal main hairaan hoon.
Chod dogi tum mujhe…
Kaise ye main maan loon.
Tadpaati bhi hai…
Aur hasaati bhi hai.
Yaad hai jo teri mere paas.
Chodenge na hum beech majdhaar…
Tujhpe hai meri jaan nisaar.
Hamesha, hamesha, hamesha.

Hum tujhse hi karte rahenge pyar…
Hamesha, hamesha, hamesha.
Tujhpe hi marte rahenge yaar…
Hamesha, hamesha, hamesha.

copyright @ aryangusain

My Most Happening Day Of May

2008-05-14T04:22:00.000-07:00

today the atmosphere is very good in delhi. very cloudy, very friendly, very good climate. i am in office now and dont have any work to do. so, i choose to write a blog. here we go..

Aaj ka topic hai ladkiyaan..

jaise ki aap sab jaante hai ki duniya mei do tarah ke log hote hai. ek achche aur doosre gande. humei choose karna hota hai ki hamare liye kaun achcha hai aur kaun ganda. aise hi is duniya mei do tarah ki ladkiyaan bhi hoti hai. ek achchi aur ek bahut achchi. ladkiyaan gandi to ho hi nahi sakti. achchi ladkiyaan woh hoti hai jo sabse talks karti hai. friendly behave karti hai. kaafi social hoti hai aur hamesha saj dhaj ke rehti hai. bahut achchi ladkiyaan woh hoti hai jo zyada logon se baat nahi karti. hamesha reserved rehti hai. bahut shy and chup chup si rehne wali.

mai kal shyam ko dwarka ke ek coffee shop mei ruka to maine dekha ki mere saath wale table pe ek ladki baithi thi. bilkul akeli. gumsum. chupchaap. bholi bhaali si. i was shocked. maine socha ki aajkal delhi mei aisi girls. bilkul shaant, chup. mujhe laga usse baat karni chahiye. bas kya tha. chance pe dance kiya aur ja pahuncha mai us ladki ki saath wali seat pe.

maine baatein shuru ki kuch is tarah se. i said hello mam. she said who the hell are you. mujhe pata hai pehle hi gaaliyaan padne wali hai. phir maine thoda sa muskura diya aur poocha kya mai yahaan baith sakta hu. she said baith to gaye hi hain aap, ab pooch kyon rahe hai. maine kaha aap kisi ka wait kar rahi hai. she said no. i am single and just coffee peene aayi thi. ghar mei dil nahi kar raha tha. i said ok so.. mai bhi bas coffee peene hi aaya tha. bas hum dono baatein karne lag gaye. kareeban hum dono ne 1 ghante tak baat ki. she was very good looking, charming and with oodles of confidence and attitude.

she said u r a nice guy and then hum log kuch der baad hi baahar nikal gaye. bas ghoomte rahe sec 6 market. mai usse poochta raha aur woh mujhse poochti rahi. phir aise hi baat ladkiyon pe hone lagi. aur hum to ladkiyon mei certification kar chuke hai. she said har ladki achchi hoti hai bas woh khud ko bold show karti hai ki koi doosra use nuksaan na pahuncha sake. i said good.

maine use apni philosophy bataayi. meri philosophy thi. ladkiyaan bas ki tarah hoti hai. ek jaaye to doosri aati hai. mai ladkiyon ki respect bhi karta hu. shayad bahut zyada. i respect maharani gayatri devi. i respect mother teresa. i respect lady diana. but i always fantasize about katrina kaif, ayesha takia, kate winslet and salma hayek. kya kare.. but she proved me wrong with her goody goody talks. mujhe kuch to achcha hi pata chala.

phir she asked me about my cell number. i gave her my cell number. she said she will call me tomarrow and help me in my bachelors degree with some notes and assignments and all that stuff. so i said okay.. but mai to tha dumbo.. uska number liya hi nahi.. jab woh car mei baith ke chali gayi tab yaad aaya ki yaar number to lena hi bhool gaya. so i am waiting for her call and let u know about my story...

copyright @ aryangusain

Love Story Part 1

2008-05-14T04:18:00.000-07:00

Atmosphere is changing day by day. delhi climate is very hotty and humid now a dayz. stop the crap about delhi climate.. i tell a story of mine.. read carefully........... here we go....

i fall in love with a girl. girl because its india guys.... its not america. got it... i hope u got my point. i met a girl recently. her name is jenny. she is cool, naughty, tall, sexy and above all she is not bimbo. she is damn intelligent.

recently i broke up with my girlfriend named maria. she was hot but a bimbo type. frankly speaking i believe in the inherent goodness of every human being; especially girls, i think girls are good looking, charming and we guys should respect every girl. but u know heart.... lonely heart (dil hai ki maanta nahin).

So, maria was full of attitude (like 90% of girls) and she was doing fashion designing (pata nahi ladkiyaan fashion designing kyon karti hai) she came from a very reputed, respected and rich family (ladkiyaan ameer kyon hoti hai) but she was a bimbo (bimbo bole to cute, beautiful and sexy but dimaag se khaali).

i am just 22 and working for a big internet company. u can say one of the best in the indian business and growing very fast in india. my salary is not enough for rich girls (not enough for me too - saala cell mei saara kharch ho jaata hai) so, by march end i was searching for extra money. i took home tutions on weekends and do a part time internet research work from home for small companies (apna sapna money money - kya kare girlfriend hai na isliye).

so, maria was a bit confused about me. she said you look good, smell good, your family background is good (maine kaha - beta mai defence ke background se hoon, faaltu bola to lagaunga wahi raapte kaan ke neeche). but she also said.. i cant marry you (bole to matlab tha give me time). i said but i love u very much and i want to marry you (gadha tha mai jo aisa kaha - bhaav badh gaye).

then she said move on (tum paise kharch nahi karte) and i said okay (tu hi keh rahi hai move ke liye to theek hai mai to padaishi dancer hu, i can move faster than the rotation of earth) and i we both quit.

currently i am happily committed with my girlfriend jenny. she is very caring (sometimes very very caring and possessive - kahaan gaye the, kya khaaya type) but we both get along very easily and hanging around nicely. hope she will not move on..

to be continued........................................

part 2 will continue next weeek..................................

copyright @ aryangusain

Kya Kahoon Ki

2008-05-14T04:17:00.000-07:00

Pyar ka pehla pal ho tum
mera aane wala kal ho tum

vaise to mere liye anjaan ho tum
par kya kahoon ki meri jaan ho tum

vaise to tum ho ajnabee
par ajnabee tum lagte nahin

jaanta hoon pyar hai tumhein mujhse
kyon iqraar phir karte nahin

ab to mere din raat ho tum
neendon mein aane wale khwab ho tum

chaho na chaho tum mujhe lekin
meri badhti chahat ho tum

dooriyaan hai hum mein phir bhi
har pal mere paas ho tum

kya kahoon ki...................

pyar ka pehla pal ho tum
mera aane wala kal ho tum

vaise to mere liye anjaan ho tum
par kya kahoon ki meri jaan ho tum

mujhe pata hai tum bhi tadapti ho
khwabon mein neendo mein mujhe hi sochti ho

main jaanta hoon meri ho tum
par kaho na kabhi mujhse ki meri ho tum

jaan ho tum jaanemann ho tum
meri liye to ek deewanapan ho tum

kya kahoon ki................

pyar ka pehla pal ho tum
mere aane wala kal ho tum

vaise to mere liye anjaan ho tum
par kya kahoon ki meri jaan ho tum

aur kya kahoon teri taareef mein ki...............

mera pehla pyar ho tum
is dil ka aakhri armaan ho tum.

Kya Kahoon Ki...
Meri Jaan Ho tum..!

copyright @ aryangusain

Jab Bhi Sochta Hoon Uske Baare Mein

2008-05-14T04:10:00.000-07:00

Jab bhi sochta hoon uske baare mein,
Main khudse hi baatein kiya karta hoon…
Jab bhi poochta hoon uske baare mein,
Main khudse hi baatein kiya karta hoon...

Mujhe pata hai woh mere jaisi nahin,
Par main vaisa banne ki koshish karta hoon…
Mujhe pata hai na milegi woh mujhe,
Bas uski yaad mein jiya karta hoon…
Kya karu ki uski yaad mein,
Main khudse hi baatein kiya karta hoon…

Mujhe pata hai woh bewafa nahin,
Khud ko ye ilzaam diya karta hoon…
Uske liye to na likh paaya kabhi,
Par uski yaad mein likha karta hoon…
Kya karu ki uske pyar mein,
Main khudse hi baatein kiya karta hoon…

Bepanaah mohabbat usse kiya karta hoon,
Uske liye shayad jiya karta hoon…
Aaj bhi umeed hai uske aane ki,
Bas intezaar uska kiya karta hoon…
Shayad uske intezaar mein,
Main khudse hi baatein kiya karta hoon…

Jab bhi sochta hoon uske baare mein,
Main khudse hi baatein kiya karta hoon…
Jab bhi poochta hoon uske baare mein,
Main khudse hi baatein kiya karta hoon…

copyright @ aryangusain

Ek Ladki Hai Deewani Si

2008-05-14T00:13:00.000-07:00

Ek ladki hai deewani si…
Janak Puri mein rehti hai.
Life mein mushkile hain kaafi...
Lekin hasti rehti hai.

Use pata hai ki uski hasee…
Ek dhokha, Ek banavat hai.
Sab kuch to hai uske paas…
Jaane kiski chahat hai.

Use khud se yahi shikayat hai…
Ki main aisi kyon hoon?
Ab ye kaun bataaye use…
Ki tum aisi kyon ho?

Mujhe pata hai ki woh achchi hai,
Shayad sab ke liye achchi hai.
Khamosh hai uski zubaan,
Magar uski aankhen bolti hai.

Main kehta hoon use…
Ki achchi ho tum.
Ladki nahi shayad…
Pari ho tum.

Tum apna samjho na samjho,
Magar meri ek pyari dost ho tum.
Ab isse zyada kya kahu uske liye,
Ki yaar ladki nahi pari ho tum.

Don't feel depresses sunaina..
you are a wonderful girl.

I am always there for u.

your's..

A R Y A N

copyright @ aryangusain

Chaaha Hai Bas Tujhe Hi

2008-05-13T21:29:00.000-07:00

Chaaha hai bas tujhe hi
Tujhse hi kiya hai pyaar
Tujhpe ae jaan meri
Ye meri jaan nisaar
Tere pyaar mein ye dil mera
Deewana tha, Deewana hai

Khwabon mein tu aati hai
Meri neend churaati hai
Jab khulti hai aankhen meri
Kahaan tu chali jaati hai

Jeena nahin, tere bina
Bas Tujhe hi paana hai
Tere pyaar mein ye dil mera
Deewana tha, Deewana hai

Ae mere humsafar
Ae meri jaan-ae-bahaar
Tujhpe ye dil to kya
Ye meri jaan bhi nisaar

Humein hai tumse pyaar
Tum bhi kaho naa yaar
Ki Tumhein pyaar hai

Pyaar hai… Pyaar hai...
Mujhse pyaar hai

Mujhe to bas ab…
Tumhari haan ka hi intezaar hai…

Kaho naa Pyaar hai..........
Keh bhi do na......
Ki mujhse pyar hai..!
. . . . . .

I am still waiting for your " " YES " ".

your's lover...
A R Y A N

copyright @ aryangusain

Broken Heart

2008-05-13T20:56:00.000-07:00

main jaanta hoon ki tumhein lagta hai.
ki main tumse ab pyar nahin karta.
par ek baat bataun tumhein.
agar mai ye nahi kehta.
tab bhi main ye mehsoos karta hoon.
kya in baaton ka koi tuk banta hai.

main tumse vaada karta hoon.
main tumhari zindagi aur mushqil nahi banaunga.
jahaan hum the wahin rahenge.
main is doobte hue suraj ke saath hi doob jaunga.

main is doobte suraj ke saath hi doob jaunga.
main tumhein nahi aawaaz doonga, bas doob jaunga.
mere ghar ke baahar koi khat nahi hoga.
kyonki main pyar mei hoon, aur hamesha rahunga.

main jaanta hoon maine tumhein bahut pareshaan kiya.
rishta toota bhi meri hi wajah se.
hamesha main hi jhagadta tha, main hi ladta tha tumse.
mujhe koi gila nahi hai ki tum mujhse dobara milo ya nahin.
aur tum ye bhi keh sakte ho ki "sab khatam ho gaya".
tab mujhe lagega ki sach mein hamare beech kuch bhi nahin hai.

bas main is doobte suraj ke saath hi doob jaunga.
main tumhein nahi aawaaz doonga, bas doob jaunga.
mere ghar ke baahar koi khat nahi hoga.
kyonki main pyar mei hoon, aur hamesha rahunga.

aur jab hum milenge.
jo mujhe pata hai ki hum zaroor milenge.
ye duniya bahut choti hai aur hamare paas waqt bahut kam hai.
kyon gumsum ho tum, kyon tumhari aankh nam hai.
jo wahaan pe hai woh wahin pe rahega.
main tumhare paas se chala jaunga.
apne honth band rakhunga aur
tumhein lagega ki "sab khatam ho gaya".

haan.. sab khatam ho gaya, ek din aisa hona hi tha.
kal hota to bura lagta, aaj hua to seh liya.
dil toote, apne roothe, main roya bhi bahut.
tum raho khush apni duniya mei, mai to bas chala.

mera kya hai..
bas main is doobte suraj ke saath hi doob jaunga.
main tumhein nahi aawaaz doonga, bas doob jaunga.
mere ghar ke baahar koi khat nahi hoga.
kyonki main pyar mei hoon, aur hamesha rahunga.

why did you break my heart..
why did you go away..
why did you go away...

jab dil toota to aawaaz bahut door tak aayi.....
koi sun bhi na saka... aur dil bikhar gaya hazaar tukdon mei.........

story of a broken heart......................................................... :) :)

copyright @ aryangusain